Një grua nga Maqedonia e Veriut pozitive me COVID-19 hyn ilegalisht në Kosovë

10:45 | 10 Janar 2022
A. B.

Policia e Kosovës ka kontrolluar një veturë në të cilën ishin një çift me dy fëmijë, shtetas të Maqedonisë së Veriut, të cilët kishin hyrë në Kosovë përmes rrugëve ilegale.
Policia ka njoftuar se gruaja ishte pozitive me COVID-19, shkruan arbresh.info

Sipas raportit 24 orësh, rasti ka ndodhur pasditen e së dielës në fshatin Sarpelj të Leposaviqit.

“Fsh. Sarpelj, Leposaviq, 09.01.2022 – 16:35. Policia gjatë patrullimit ndaluar automjetin me targa të huaja që e drejtonte i dyshuari shtetas i Maqedonisë së Veriut dhe në veturë ishte me bashkëshorten dhe dy fëmijët e tyre. Të njëjtit kishin hyrë në Republikën e Kosovës përmes rrugës ilegale për shkak se gruaja ishte pozitive me Covid 19. Personat në fjalë pas intervistimit dhe verifikimit me vendim të prokurorit janë deportuar nga territori i Republikës së Kosovës”, thuhet në njoftim. /arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm